8. Kya Haram our Halal mal ki milawat jaiz hai❓

          *🖲️𝐒𝐀𝐖𝐀𝐋  𝐍. {8}🖲️*
Or ye bhi puchna tha ki haram kamai kha nahi sakte to use kaha sarf karna chahiye kya use kapdhe wagaira ya digar kaamo me istemal sakte he khane ke alawa ? Or koi zabardasti khilaye ki agar na khaye to dil aazari hogi to is surat me nahi kha sakte taki dil aazari na ho ?
Or halal or haram dono kamai ho to is surat me bhi bachna chahiye ?

        ✍️Khatun'e islam

              *🔮JAWAB🔮*

🏮𝐇𝐚𝐫𝐚𝐦 𝐦𝐚𝐥 𝐤𝐨 𝐤𝐚𝐡𝐚𝐧 𝐤𝐡𝐚𝐫𝐜𝐡 𝐤𝐚𝐫𝐞𝐧❓
       Haram tariqe se jo Mal hasil ki jaye use kahi bhi kharch karne ki ijazat nahi hai Hadise pak me hai ki

*Huzur ﷺ ne farmaya ki*
   Jo banda Maal Haram hasil karta hai agar usko sadqa kare to maqbul nahi our kharch kare to uske liye usme barkat nahi our apne bad chodh mare(Haram mal chodh kar mare) to Jahannam ko jane ka saman (Yani Mal ki 3 Halaten hain our Haram mal ki tinon halaten Kharab) Allah Ta-aala Burai se burai ko nahi mitata haan neki se burai ko mahu(dur) farmata hai beshak Khabis ko khabis nahi mitata

*Isi tarah ek jagah Haram mal ke Talluq se Huzur ﷺ Irshad Farmate hain ki*

    Ek Shakhs Tawil safar karta hai jiske bal pareshan hain(bal bikhre hain) our badan gard aalud hai (Yani uski halat aesi hai ki jo dua kare qubul ho) wo aasman ki taraf hath utha kar ya Rab Ya Rab kehta hai (Dua karta hai) Magar Halat yah hai ki uska khana Haram, Pina Haram, Libas Haram, Giza(khana) Haram Fir uski dua kyunkar Maqbul ho (Yani Agar Qubul ki Khahish ho to halal kamai ikhteyar karo ki bager uske Qubul dua ke asbab bekar hain)
*📚 Muslim sharif*

📌 Isse malum hua ki Haram Mal kahi bhi kharch nahi kar sakte hain na haram ki geza kha sakte hain na libas pehen sakte hain nahi use sadqa kar sakte hain behtar hai ki kisi garib ko heba kar de our niyat ye rakhen ki Ye haram mal hai iska koi haqdar nahi our jis mal ka koi waris nahi hai us mal me Faqiron ka haq hota hai lehaza Garibon ko heba kar den sadqa ya zakat ki niyat nahi kar sakte hain our taoba kare Beshak Allah Rabbul Izzat Toba Qubul Farmane wala nihayat mehrban Rehem wala hai
*📚Aam kutub fiqah*

🏮𝐊𝐨𝐢 𝐡𝐚𝐫𝐚𝐦 𝐦𝐚𝐥 𝐝𝐞 𝐭𝐨 𝐤𝐲𝐚 𝐤𝐚𝐫𝐞𝐧?
   Dekhiye Haram mal khane ki ijazat us waqt hai jabki Jan jane ka Yaqin ho our Halal mal na mile ki uske zariye jan bacha sake aesi surat me haram mal khane ki ijazat hai warna nahi

Ab kisiki dil aazari Ko nazar me rakh kar Haram mal khane ki ijazat nahi hai ye koi uzr nahi hai agar cha dil aazari ho agar aap unhe na khane ki wajah bata sakti hain to bata den warna wahan Jane se parhez karen jahan haram kamai khane se aap bach nahi sakti hain

🏮 𝐇𝐚𝐫𝐚𝐦 𝐨𝐮𝐫 𝐇𝐚𝐥𝐚𝐥 𝐃𝐨𝐧𝐨 𝐭𝐚𝐫𝐚𝐡 𝐤𝐢 𝐤𝐚𝐦𝐚𝐢 𝐦𝐢𝐥𝐢 𝐡𝐨 𝐭𝐨 𝐤𝐲𝐚 𝐤𝐚𝐫𝐞𝐧:-
  Dekhiye pehle aap ye yaqini malum karen ki uski kamai Halal our Haram dono Zariye se hai ya nahi jab ye malum ho jaye to fir ye bhi malum ho jayega ki Haram Kamai galib hai ya Halal kamai Agar Halal kamai Galib hai to Hadiya ya dawat Qubul kar le Ab agar Haram kamai galib hai to unka diya hua hadiya wagera qubul na karen jab tak ye malum na ho jaye ki jo hadiya wagera diya hai wo halal mal se hai our agar andaza nahi laga sakti ki halal kamai se hai ya haram to Isse bachen ek yahi surat hai
*📚Aam kitub fiqah*


Aaj ke daor me logon ko Haram Mal ki koi fikr nahi hai jaesa ki Huzur ﷺ ne farmaya hai ki
    "Logon par ek Zamana Ayesa aayega ki Aadmi parwah bhi na karega ki us chiz ko kahan se hasil kiya hai halal se ya Haram se"
*📚 Bukhari Sharif*

📌 Halaki Halal Kamai ki Talash bhi faraiz ke bad ek fariza hai

Logon ko isse Bachna chahiye Qki Hadise Pak me hai ki
  "Jo Gosht Haram se uga hai jannat me dakhil na hoga our jo gosht haram se uga hai uske liye aag zyada behtar hai"
*📚Mishkat Sharif*
                   Allahu Akbar

Allha Rabbul Izzat Ham sabhi ko Halal Kamai Hasil Karne our Haram Kamai se Bachne ki taofiq ataa farmaye
🤲🤲🤲🤲

آمین ثم آمین یا رب العالمین بجاہ سید المرسلین صلی اللہ علیہ وسلم و غوث اعظم رضی اللہ عنہ


*✍️ 𝑆𝑎𝑏𝑖𝑙𝑎 𝐽𝑎𝑚𝑖𝑙 𝐴𝑚𝑗𝑎𝑑𝑖 𝑅𝑎𝑧𝑣𝑖*


*𝐂𝐎𝐑𝐑𝐄𝐂𝐓𝐈𝐎𝐍👇*

👑𝐌𝐨𝐡𝐭𝐚𝐫𝐦𝐚  𝐐𝐚𝐫𝐢𝐲𝐚 𝐀𝐚𝐥𝐢𝐦𝐚 𝐅𝐚𝐳𝐞𝐥𝐚 𝐒𝐇𝐀𝐇𝐈𝐍𝐀 𝐀𝐦𝐣𝐚𝐝𝐢 𝐒𝐚𝐡𝐞𝐛𝐚👑

👑𝐌𝐨𝐡𝐭𝐚𝐫𝐦𝐚  𝐐𝐚𝐫𝐢𝐲𝐚 𝐀𝐚𝐥𝐢𝐦𝐚 𝐅𝐚𝐳𝐞𝐥𝐚 𝐇𝐀𝐁𝐈𝐃𝐀 𝐒𝐡𝐚𝐦𝐬𝐢 𝐑𝐚𝐳𝐯𝐢 𝐒𝐚𝐡𝐞𝐛𝐚👑

   ⚜️⚜️⚜️⚜️⚜️⚜️⚜️⚜️